限時交枱

旅行返黎之後都是懶懶的，無寫BLOG。

星期四去左Ruby Tuesday，聽朋友說訂位時已經講明幾點要還枱。雖則我明食巿想做多幾輪生意，不過我始終接受唔到點解食飯都要趕頭趕命又要咁大壓力呢！？

我成日諗點解啲快餐店如麥當勞／吉野家又或茶餐廳等都唔會有交枱限制，點解呢啲貴幾倍既餐廳要有咁既規定！？

星期六托Sika既鴻福，以優惠既價格到半島既瑞士餐廳食飯，一入餐廳真係好多芝士味，個度裝修得好骨緻，好似真係係瑞士既木屋入面，侍應們超有禮貎，係呢度食飯一啲侷促的感覺都冇，我地咁樣傾傾講講就過左3個鐘，時間真係過得好快！雖然價格係貴，不過間唔中黎食下享受下都唔錯吖！

星期日睇星夢傳奇，點解TVB既歌唱比賽越黎越兒戲，好似內定咁，就咁叫參賽者每人唱一首歌就算，我記得細個睇新秀都會有清唱呀、鬥唱呀等等架喎，而家只係唱一首歌就拎到冠軍。。。起碼都唱首Medley啦！！　

啲嘉賓表演仲長過佢地唱歌。。。。唉。。真係唔知無線搞乜鬼！


星期一重陽放假，落微微雨，本來諗住去同JUJU去野餐，結果去左海港城，惟有再約啦！
拎返係久違既大機，大光圈既感覺真係好正！