我地住既係叫傳藝，我地係被佢係Agonda既相吸引到黎住既，而望過以前住客既comments都唔錯架嘛，仲話好近旅遊景點。。。但我地住落呢就發現呢度其實同任何一個景點都唔近，比較近呢就只有傳藝中心，但如果行呢都要20-30分鐘。。。。所以除非你鐘意園景，諗住好多時間留係民宿，先好揀呢間呀！
呢度係地下既大廳
地下偏廳
我地係住二樓架，二樓既廳就係咁樣，好鬼大！
入房喇，超大，呢度係我地張床，遠睇都幾靚架，但係近睇張被呢，就好有懷舊既色彩。
掛衫既地方
歡迎我地既飲品
呢個夜巿超大，又唔迫人，雖然食物種類唔多，不過我都好鐘意！
門口就見到呢間，我好掛住台灣啲腸仔，叫左個大腸包小腸！不過原來我記錯呀，我之前食個個係腸仔入面夾左好多Garlic，今次搵唔到，好掛住呀！
係糯米包住條腸仔，其實都幾好味！
呢檔烤肉我見好多好多人買架，我就買左三串烤肉包葱（因為宜蘭盛產葱，所以試下）。呢檔好好味，而家諗起都想食！
呢個又係旅遊書介紹既名物，好似叫龍鳳腿。。。超難食，大家唔好買黎食！
跟住梗係買黎台灣必食既炸物食啦，呢間其實好多人買超大塊炸雞，不過我地實在食唔到咁多啦，所以只係買左三款返去。呢間都幾好味架！
我地仲買左老味同麵線啦，老味都係蘿蔔好味，個麵線都幾好架。不過呢我地唔係好識解個條繩，搞到雞手鴨腳！
而個炸物。。。佢仲送埋薯片比我地。。真係熱你爆！
呢啲係今日既戰利品！
超抵呀，個兩本素材書香港買一百元，呢度買台幣350(仲有75折)!
個兩件衫都係夜巿入面一間叫Coco既舖頭買架，呢間其實有網店架，我之前係香港已經睇中過，不過要運費就無買啦！
件T-shirt HKD100都唔洗，而件裇衫就只係HKD百幾元，好抵！最好既有得試!
啲衫仲買滿台幣二千蚊再減一百，咁我同大頭梗係唔蝕底，最好笑係埋數時爭幾十蚊台幣，啲sales叫左句 ＂哇塞＂，我覺得好搞笑！
台北宜蘭之全紀錄
沒有留言:
發佈留言