大家都未黎過，都係上openrice 亂搵！去到個門面呢，好似啲茶餐廳咁，好彩入到去發現環境都唔錯。
食物就真係好普通，我個個安格斯漢堡，塊包好厚，大家睇下塊包幾核突，一啲都唔fresh...
夜晚去左得龍同壽星女做大壽！！！
得龍係香港碩果僅存既舊式酒樓，有懷舊菜叫架！不過地方就偏僻啲，係我咁大個人都未去過既新蒲崗架！
去到叫我地去隔離既舊樓，個度勁舊，行樓梯都有啲驚，跟住去到一個單位，我地就係個度食飯喇！
你地睇下得龍張餐單啲菜有幾多粒星，好浮誇！
豬腳都幾好味架
呢味同我地平時食開既皮蛋有些少分別，就咁食啲蛋覺得好怪，但加埋中間啲薑就好味啲
金錢雞，懷舊菜式，不過有好多內臟，有潤有肝又有肥膏，我頂唔順。
呢碟鴨腳包，都幾好味
咕嚕肉，呢個炒得好香口架！
蝦多士，好耐冇食過，不過我覺得麻麻地
炸鮮奶，呢碟好好味，好滑，正！
呢個可能我地冇撈勻黎食，我食落又覺得普通左。
砵酒焗桶蠔，好好味道
最後既甜品糕點，麻麻地啦！
最近寫開Blog，好似寫開上癮咁，可能真係年紀大，鐘意懷緬過去，記低啲野第時睇返！
今日聽到亞ＭＯ就黎去東歐，跟新華團，都係萬二元渣，咁咪同去日本差唔多價錢，好吸引呀！不過呢，亞ＭＯ唔記得詳情，講唔到啲行程比我地聽．．．
呢幾日plan 新加坡行程既時候，就不其然會拎返2011年個遊記出黎睇，跟住跟手就update埋個2011年遊記，我又好想係去第二次新加坡之前，可以整完上次個遊記啦，不過好似趕唔切！
寫返以前啲遊記，搞到好似整緊回憶錄咁，個感覺好搞笑，我仲開番差唔多十年前既西歐遊記黎睇，唔知今年內可唔可以整理埋呢！
沒有留言:
發佈留言