聽到政府逐少逐少暗示唔批香港電視牌既理由，就覺得好荒謬。
好似佢話香港電視冇經驗，經驗真係咁重要咩？佢請返黎既人有經驗就得啦，就算冇經驗，香港電視有乜出錯，咁對香港社會會有乜大影響？話說就算香港電台現任台長都係一個冇電台經驗既人黎啦，佢都只係一名AO黎啫！同埋唔知TVB開枱個時係咪好有經驗既呢? 再講亞洲電視夠有廿幾年經驗喇，咁佢而家做得好好咩？咪做左一個零收視既台出黎囉
有人又話因為香港電視唔夠錢，所以落選，又有有舉例話荷里活既片套套都係天價先拍得成，所以要拍好電影就一定要有好多錢。呢樣我又好唔認同，電視／電影都係創意行業，只要你有好橋，就好似幾年前既《打擂台》，雖然係低成本但都係高質素既片呀！一套電影既成功與否，錢唔會係最重要個因素。同埋如果錢係咁重要考慮既一環，點解招標既時候唔講埋呢？
同埋成日聽政府話發牌係考慮大眾利益，成日講到如果發左個牌，間公司唔惦突然倒閉既話，會對巿民有好大影響。我著實唔明點解間電視台做做下唔做會對巿民好大影響？睇慣左個節目無左所以唔開心？啲劇集爛尾？定係好多員工失業？但好多員工失業，好多公司執笠都會架啦，點解要特別照顧呢間公司呢？
講到尾，我都係諗唔到有乜野合理既理由支持政府呢個決定！！
好想今次可以改變到政府呢個決定!!
沒有留言:
發佈留言