呢一餐其實想Share好耐，因為實在實在太好食喇～
而家諗返起都回味無窮，仲好後悔自己唔爭氣食咁少添，好想再去多一次呀！
呢間係The One上面Harlan's，我地個日好似由12:00am 食到差唔多 3:00pm
好，去相～
呢個係Menu，除左可以係拎出面既野食，仲可以order 中間個part既食物，我地實在冇咁大個胃，只係叫左個蛋＋Truffles，都唔錯架，鐘意Truffles既人應該會好鐘意！
好，我影左少少啲野食，比大家睇，呢度係芝士區．．我自己無試過呀！
涷盤
佢有好大盤鵝肝 比大家點架！
甜品就唔多選擇
今次呢度其實係兩間餐廳，除左西餐，仲可以行過去日本餐廳個邊拎野食架，
我其實幾後悔食呢碟，因為又唔算特別好味道，係件帶子好味啲，但比呢碟野阻住個胃啲位，唔抵！
呢個唔知乜乜沙律
食到中途，每枱都會有個成隻碟咁大既包，我食左少少，都幾好味！
呢個係今日焦點，隻蟹腳超好食，佢多肉得黎仲好鮮甜，勁好味！我個日食左好多蟹腳！
而生蠔都唔輸蝕，有人係度即開架！
呢個係每人一碟既焗龍蝦，好味！
呢個超正煎鵝肝，任拎架，仲煎得好香口，我忍唔住口都食左兩件！
呢度仲有魚子ｘ食架，咁我梗係唔執輸試下啦，不過我就麻麻地鐘意呢隻味！
食到食唔落喇，最後就係呢個綠茶梳乎里，味道普通啦！
雖然呢餐都幾貴，但係就咁食蟹腳同鵝肝都回本啦，呢度值得再黎encore!
Harlan's@開飯
尖沙咀彌敦道100號The ONE 19樓
------------------------------------------------
食完落左The One 行左陣，見到有姆明公仔擺設，最重要係佢寫住如果你係The One 消費過800元就會有隻靚靚姆明碗換，咁我地剛剛食左餐咁豪既，梗係走去換埋去啦！
如果大家都係The One 食飯，就記得去Customer Service 到睇下有冇好野換喇！
沒有留言:
發佈留言