放返啲食飯相出黎先，成日都話食飯係相機食先，不過呢影埋好多相好多時都懶得post...
呢餐係Ruby Tuseday，我覺得最好味係個西班牙Tapas，其他普普通通啦！呢間餐廳有樣搞笑既地方，就係如果你肯比一千五百元入會，咁你食飯會係半價，而呢一千五百元都會比你係個度食飯時用返。不過呢我地冇join，亦唔係成日黎，咁我就覺得好唔抵，其他人比半價就食到，但我地就要比正價，所以如果冇優惠都應該唔黎！
之前係新加坡買既咖央醬，咁就自己整咖央多啦，嘻嘻，我落左勁多牛油，超肥！
之前走左去試麥當勞既新包，吉列豬扒包，呢次個包又幾好食喎，不過佢啲椰菜絲跌到一枱都係！
星期二同左金仔佢地打邊爐，試左小肥羊既任食，又幾好味喎，佢個窩底好夠味，我好鐘意食有啲藥材味既食物！雖則有啲食物都麻麻既，好似響鈴唔夠脆，肥牛大部份都係肥膏。
我地個日加左50元食埋蝦／蚌／羊肉等，加加埋埋$250一位，都頗貴呀，下次都係唔加個$50喇！
寫住咁多先～～～
沒有留言:
發佈留言