930 舊地重遊。。仙跡岩

九月最後一日喇，就黎又過埋2013年喇。。好恐怖，時間過得咁快架 :(

新同事黎左喇，係個好好後生既女仔，唔知佢係咪好人呢？

做左咁多年野，得出人善被人欺呢個結論，我覺得係做野既地方做一個好人係會比人蝦，可惜既係要做個壞人其實都好難。。。

之前買左本團購相簿，可惜係個間公司原來係deadline呢段時間個Sever爆左，我地upload 唔到，要走去門巿搞！結果去到見到有條長長既人龍，我地排左大半個鐘先交到個file，下次都係唔好Deadline先黎交功課喇！！！

今次整左本遊記既相簿，睇返都幾開心，希望每個旅行都可以咁整啦！






呢個標誌有冇啲熟悉呀？？呢間就係仙跡岩，細個搵地方傾計就會到既地方，以前仲開到成行成巿啦，而家就。。。執得就執喇。。。。

今次我叫左牛肉麵同綠茶珍珠。。。。。兩樣都唔好食><

友人大頭叫既魯肉飯同珍珠奶茶。。。。佢個個好味好好多，杯珍珠奶茶仲要幾好飲添！

今個禮拜就去新加坡喇，不過乜行程都未plan.....今次搭jetstar, 第一次搭咋，啲雜費加加埋埋就$1400一張機票，都算平掛！不過好搞笑係，我地最初因為諗住慳錢，就只係揀左回程有寄行李啦，我地本身仲諗縮數諗住淨係加一個人寄行李，但係個時整極都整唔到，係都要2個人一齊寄先得！

咁我地諗諗下不如去程都搞埋寄行李。。。。點知而家加。。。反而可以加到一個人寄行李。。。。真係。。。。。吹脹！

929 悠閒的一天

今日唔知點解會頭痛 :(

晏晝出左去買細佬份生日禮物，本來諗住食awfully chocolate既雪糕（今年都冇乜點食雪糕，次次想食既時候都病。。。），點知行到去又係話sold out，其實係咪冇出架，點會冇架！

咁就走左落去Godiva買啦，大頭就要左Godiva既軟雪糕，今年新出架，不過我食左啖覺得同Seven個啲差唔多。。。但呢杯軟雪糕貴Ｘ咁多倍！

咁我要左杯黑朱古力，仍然好味道，佢問我加唔加Cream，咁我貪得意加左啦，點知其實啲Cream麻麻好味，下次可以慳返五蚊！

我仲因為隻碟買左四支牙膏返屋企，我係睇中熊仔個隻碟先架，個隻好好cute呀，隻綠色又好靚。咁買碟買一對開心啲，所以就買左隻免仔！

拆左盒既靚樣！

有呢四款架！

仲有樣都幾搞笑既野，今日買糖個時，個個sales話我知呢隻餅兩元，佢話因為仲有兩日過期喎，咁我成日覺得餅過期都冇乜所謂啦，所以兩元咁平梗係買啦！我買個時仲同個sales double confirm係咪真係兩元！

今日睇FB既時候，睇返呢段對白，唔知大家仲記唔記得，呢段就係悠長假期個女主角同木村講既一段說話！

「不需要總是盡全力地衝刺的，人總有不順利的時候，或有疲倦的時候，在那時候…，我就把它當成是神賜給我們的假期，不避免勉強衝刺，不必緊張，不必努力加油，一切順其自然。」---真係好有意思, 十年後睇返都係咁有意思!

不過我太深受呢段說話影響，我係時時刻刻都係咁Hea.....

明日有新同事。。。唔知乜人黎。。希望係個好人！

928 好日子

好頂住呀，真係老喇，消化唔到，下次唔敢食咁飽喇！

琴晚因為超夜訓，所以今日超晏起身，起身仲有啲頭痛！

今晚打邊爐，肉就係吉之島買，其他就係街巿啦！

牛肉買左兩款，個隻所謂既健康飼養既塔斯曼里亞牛肉。。。。超難食，仲要都貴貴地，真係side 錢！

另外買左啲美國肥牛，呢包就對辦好多，如果肥膏多啲應該好味啲！

又第一次買日本豚肉，呢個好味道！

仲有金菇啦（我買左韓國同日本，睇下有乜分別，我食落好似冇乜分別；不過小宅話有分別，日本好食啲！）

仲有牛拍葉同好多丸，不過買唔到響鈴呀！！　下次再打過！

一路打邊爐一路睇絕世好Ｂ。。。。套戲真係爛到連係電視睇都覺得哂時間。。。

夜晚搵左呢條電話繩出黎，係木製架，我好鐘意木製既小玩意！一路都唔知用黎做乜，今日掛左係個USB到呀～都幾靚吖！

富士出左部新既即影即有呀，超吸引，個外型超靚，不過個價錢係$1500！！！

呢個價錢買部即影即有好似好唔抵，呢個價錢可以買支鏡喇，

雖然呢部死野，影出黎既相真係好鬼靚，但係部機又貴，菲林又貴，條數好唔襟計喎！

如果可以跌到$1000，我就帶你返屋人止啦！

好青春-傾通宵之夜

一早已經覺得好眼訓好眼訓，但估都估唔到琴晚既然去左細佬屋企傾計傾通宵。。。ohoh好似返左去讀書年代！

晏晝去間新既韓國餐廳，諗住去到食韓國燒烤。我地心目中既韓國燒烤係中間有個爐個隻，點知入到去發現呢度所謂既韓國燒烤只不過係用鐵板上。。。

我叫左鐵板牛肉，個牛肉汁好甜，本來幾好味既，不過呢由於個鐵板仲不斷燒緊，啲牛肉變得好老。。

我地幾個有叫鐵板既同事，都話下次唔會再叫喇，如果下次再黎都係只會叫石頭鍋飯！

我地五個人，只係得到五碟豉油碟咁大既前菜。。。好少呀！

每人五十蚊，唔包飲品，只包湯，唔算好抵食。

餐廳：木槿　（紅磡寶其利街47號地舖）

夜晚，去左吉之島（其實而家叫AEON，不過我好唔慣）買明日打邊爐既食物，順便買埋夜晚個餐，見到個中華沙律特價，就買左呢個！

我最初以為盒野會有好多菜，點知係有個好大既麵，其實呢碗係咪叫中華拉麵呀，但我明明記得佢寫沙律架。。。。呢碗麵大到我都食唔哂。。。！

今晚細佬唔係咁開心，所以出左黎飲野，飲左罐好期間限定既啤酒，個罐好靚，啲紅葉好靚呀，我咁大過都未睇過紅葉，唔知幾時有機會！

亞毛話麥味太重，有啲苦，我就覺得都幾好味吖！

最搞笑係見到亞毛傾到5點幾既時候，走去敷mask，好crazy！

我地仲好癲咁，等到朝早六點落左麥當奴食早餐添！

講起通宵，我記得細個既時候，成日去細佬屋企打機，打通宵；不過個時我地唔係雙打架喎，只係我不斷係度打機，細佬就係度上網，而家諗返都好搞笑！個時真係最無憂無慮既日子，我都好想而家再可以無憂無慮咁不斷打機呀！

仲有以前會煲粥，有次仲同人傾傾下電話訓著左，真係好瘀！

20130926

要介紹下呢個包，我覺得好好味，係7仔買架，不過呢成十一蚊個，我係見自己有少少唔舒服先買呢個做早餐，好貴呀！




尋晚，好乖，見自己晏晝食左個焗豬扒飯，夜晚竟然忍到口剩係食左菜同粟米片！

最近個個都話減肥，啲男仕們仲個個受張家輝影響，個個狂SHOW肌肉，連杜汶澤都練到好大隻！我係網上有追開KB既我要變張家輝，真係好鬼好笑！





咁我咁多年都話減肥，我都好想有一日成功架，唔知我又可以維持到幾耐．．．．．．

我睇返我以前既Blog，都唔知自己以前寫乜既，明明好似成日都有寫blog 架，點解好似睇唔到我以前究竟做過乜既!?

仲有我老喇，以前鐘意用Font 10，而家用Font 12，但我發現我要用Font 14先覺得睇得舒服，我真係老！

我以前以為追星呀、打機呀，呢啲係細路仔既玩意，點知最近發現原來呢啲真係無年齡既限制。我以為我低B，所以仲咁鐘意打機啫，點知我公司都有好幾個同事同我打神魔之塔，琴日因為有特別關卡，同事們仲叫我幫佢地打，跟住見到佢地啲隊伍，先發現神魔組合真係有無限個可能，我都要跳出我框框，試下組其他隊先得！

我以咁既組合+巨蟹座，既然打過左．．．

除左打機，仲有就係我狂睇人地啲Blog．．．．真係讀書又唔見我咁勤力。睇人地啲Blog其實都幾似偷睇人地啲日記，雖然大家都係寫啲日常發生既事，不過睇下人地點過活又真係幾過癮！

最近設計緊10張Scrapbook圖，但係設計得好慢，我一啲idea 都冇，我真係好鬼渣，而家先得8張，點解有啲人咁勁可以勁多idea 架！

我好掛住歐洲，上次去已經係2005 or 6 年既事；

我又好掛住日本，呢個前年去既；

咁去多次台灣都得架！

但係下年我又好想去啲我未去過既地方，好似吳哥X、俄羅斯、韓國（雖然10年前去過，但係10年喎，韓國都變哂啦！）．．．

－－－－－－－－

我發現我有個定律，就係

星期日　－　夜訓
星期一　－　早訓
星期二　－　早訓
星期三　－　夜訓
星期四　－　夜訓
星期五　－　好夜訓
星期六　－　好夜訓

－－－－－－－－－－－－－－－

返工好悶，我買左超多零食係公司，呢隻係其中一樣我好鐘意食既糖，佢既綠茶味做得好正，唔會太甜！

今日返工麻麻地，上午唔舒服，wing wing 地，好彩下晝好返少少咁啦！

惠康賣菜係貴過街巿成倍。。。點解仲有咁多人去惠康買架!

笑笑 20130925

偷懶，呢排冇乜寫blog，因為好似冇乜好寫咁，日日如是，返工放工訓覺。

琴日晏晝收到個大陸電話同我講煲冬瓜，我實在唔係好識聽，好彩講講下佢講到580，原來佢係上網話買我支燈個個人，我聽到佢話佢出黎旺角同我交收，咁梗係好啦，佢連價都冇講就同我交收喎。

咁我返屋企立即搵返哂個盒呀，保證書同單出黎，仲整走埋啲魔術貼。

跟住我地左約右約就約左係星際到交收，最搞笑係入左間二手店到交收，佢係個度買緊部6D，我問佢洗唔洗等佢買完部機先交收我支燈，佢話唔洗，仲係人地間舖頭度試我支燈，同比埋錢我！　

原來個間舖頭賣我個支燈，二手價成2580，我賣比佢2000，所以佢就幫我買枝燈，而陪我去交收既小宅，仲話佢見到人地個銀包到有一大疊一千蚊紙．．．．嘩嘩，而家國內啲人真係勁有錢，唔怪得香港金舖、錶舖、名牌店開得咁多啦！

我同小宅仲係度話不如整樣生意係賺自由行，佢地咁豪爽，一定好好賺．．．不過呢到而家都未諗到做乜LOR．．．

最後，因為元氣長期排長龍，就去左笑笑食晚飯，其實味道唔差架，係賣相差左啲，最好笑係我地係食第一啖話麻麻，但越食就覺得都OK吖～～

生菜蟹肉沙律，啲蟹肉係幾好味既！

泡菜豬肉火鍋＋烏冬＋蛋，成一百蚊呀，好貴呀！味道就一般啦，我鐘意吉野家多啲！

Pizza啲dressing好味囉，咁都幾薄幾脆既！

埋單$250，今日有人請，所以食得特別開心～～

不過諗落二百五都幾貴喎，都係多啲人黎食先抵啲！

我部電話update 左去ios 7......我覺得好唔順眼，我鐘意以前黑漆漆既bg多過而家咁白LOR!

中秋節Long Weekend

中秋節有個long weekend實在太好喇! 

不過我就仲係成日咳，咳足成個禮拜。仲要放假先發現，我將支咳藥水漏左係office，咁惟有去買過支新啦！

係萬寧見到呢支又係珮夫人既加強版，結果買左呢支返屋企。呢支咳藥水，都幾work呀，真係咳少左。

假期第一天

入左小欖BBQ，嘩，真係熱到飛起呀！熱到係唔想食野個隻，雖然咁熱，不過香港人仍然好鐘意BBQ追月，我地個個場全場full哂！

小欖燒烤場食物真係麻麻，啲腸仔好咸，比較好食係啲粟米、多春魚同雞翼。其實我地都好醒咁諗住自己帶啲蒜蓉入黎調味架，不過好搞笑地買錯左薑蓉，仲要燒完先知，超爆笑！

我地見到隔離枱買左海鮮、菜、金菇同錫紙入黎，下次睇黎我地都要自備多啲野食先得！

假期第二天

上左山頂，原本我地個plan仲話去蓮香樓飲茶．．．但我地太懶，唔願早起身，沒去到！

我地今次冇揀纜車，揀左平啲既巴士上去，不過平係有啲犧牲，就係巴士冇咁定，搭完有少少暈車浪！

上到去已經差不多日落喇，影左少少相同video。

今次第一次用Sony NEX 5R，但我仲未好熟個Setting，今次信左佢隔10s先影一張，結果影左成粒鐘先拍左5s，咁我嫌個video太短，所以今次較慢左一倍，變左11s

好似話因為颱風所以個天既顏色先咁靚

跟住仲行左陣山頂廣場，呢度多左好多shops，連coach都有，而家coach真係無處不在，真係有咁多有錢既自由行買咩！？

最後就到我地今日既重頭戲－蠟像館．．．．．不過呢真係太多自由行喇，影每張相都要等啦，同人爭啦，影影下都冇乜心機添，最慘係X Japan既Yoshiki蠟像原來已經唔係香港．．．．．噢．．．

睇完搭車落返灣仔，仲食左個好難食既大快活飯．．．．點解大快活而家用啲咁難食既米架，我唔會再係大快活食飯！

假期第三天

聽聞打風，所以今日主打都係留係屋企，不過呢唔知係個病未好定係我懶．．．今日都係訓多！！

香港7點就掛左8號風球，都諗到個風捱唔到幾耐架喇．．．．結果今朝9點幾個風球就落左喇．．．

點解香港打親風都係夜晚打既，唔通真係李氏力場作怪．．

20130919中秋節喇!

仍然受到病魔困擾，食左藥仲好暈添，我要快啲好返明日去BBQ!!!

琴日去買咳藥水時，本來諗住係萬寧買，咁同事就話藥房平好多，去藥房格下價先啦！咁我就走去對面間藥房問下啦，點知真係平成十蚊，2者差距真係誇張！

今次試食珮夫人止咳露，好似都唔錯，起碼病情冇惡化！

終於試左新開既爭鮮，3元一件壽司，買左幾件返屋企食，味道一般啦，好多時啲飯一夾就散，不過以咁既價錢真係唔可以強求太多，咁多件估唔到最好味係黃金魷魚軍艦。

中秋正日公司早放，可惜係塞車塞左成個鐘頭先返到屋企。買左一百元六合彩，結果要左黎舖草皮

網上收到呢幅圖，好搞笑，比大家睇下啦～

宜蘭台北遊記1.1--到埗喇！

由於今次張機票係信用卡送既，無得揀航空公司，得香港航空揀，不過個時間都算唔錯，早機去晚機返（不過回程時delay左．．．＞＜）

我地已經早一日網上check in，點知乜窗口位都冇，有冇搞錯，上到飛機排左個好難食既包，慘！

一落飛機，就見到台北落緊大雨．．．．本來諗住落飛機就直奔宜蘭，但睇天氣報告話宜蘭會落大雨，於是打算留係台北，晚一點先到宜蘭。

我地搭國光到台北車站，到站後仲落緊超大雨，落車位又冇瓦遮頭，個司機又幾衰，冇幫我地用竹拎返啲放得好入既行李出黎，好彩有個好好既男人，捐左入去推返哂所有行李出黎，係呢度真係要鳴謝呢位好男人！！


我地為免拎住啲行李四圍走，於是就搵行李寄存，今次係火車站個邊入去車站，行下行下先知原來台北車站係咁鬼大架，仲有好多野睇同食喎。上次住係台北車站附近，淨係識行去MRT個邊，真係錯失哂！

台北既存物櫃好抵，大約一百蚊台幣一日，我地個存物櫃出面有架火車易認好多．．．（我地係最後一日再黎台北車站，兜左幾個圈都搵唔返呢個存物櫃．．．）

放低行李之後，輕鬆哂！見有時間，就吃久違了MO MO Paradise， 上次來食過壽喜燒後，念念不忘，今次再來！
地點只是在台北車站旁邊，十分易找！

我們同樣點了壽喜燒，落單後，侍應問要飯定要烏冬．．．一般打邊爐我都唔食麵同飯．．乜台灣人咁大食既咩？

呢度既侍應服務一流，見你食完一碟牛就會主動問你仲要唔要。而壽喜燒既汁仲係不斷幫你refill，唔似香港咁只係幫你refill水。

牛同豬都好靚架，不過當日我太肚餓，未搞好個White Balance就走去影左喇！

 90分鐘任飲任食，仲要HK 100都唔洗，食物質素好，真係抵到爛！

MOMO Paradise: http://www.humaxasia.com.tw/momo/

我地去個間：10351台北市大同區承德路一段1號4樓 ( 京站時尚廣場4樓 )

食飽飽，我地就行書局街，諗住買返1,2本黎呢幾晚睇。


跟住拎行李去搵車搭去宜蘭，同埋打比民宿主人話我地去緊啦，問佢個邊天氣如何，點知佢同我地講，話宜蘭好好天呀！

咁我地就去葛瑪蘭巴士站，可能因為我地唔識路．．．．左兜右兜住，仲要經過個商場先
到，足足行左20分鐘．．．

係汽水機到買左支香港冇既爽健美茶．黑覺醒版，味道唔錯，多啲茶味，我鐘意飲黑色多過綠色版。

台北宜蘭之全紀錄 

宜蘭台北遊記5.2 －Delay delay and delay

宜蘭台北遊記5.1 －戰利品,蜂大,書局街

宜蘭台北遊記4.3 －金峰魯肉飯，師大夜巿，寧廈夜巿

宜蘭台北遊記4.2－華山1914文化創意產業園區

宜蘭台北遊記4.1　胡同燒肉

宜蘭台北遊記3.2 紅樓 + 24小時誠品

宜蘭台北遊記3.1 橫風橫雨走佬去台北－Hotel Via丰居酒店

2013台北宜蘭自由行 2.4 晚飯時間

2013台北宜蘭自甲行 2.3 羅東林業文化園區

2013台灣宜蘭遊記 2.2 國立傳藝藝術中心

2013台北宜蘭之旅 2.1 早餐

宜蘭台北遊記1.2

宜蘭台北遊記1.1--到埗喇！

2013台北．宜蘭玩完雜感

在台灣也要上網

在台灣也要上網

之前去旅行都沒特意申請電話上網，但唔知點解今次又覺得點都要整！

台灣上網好平，大家可以睇下幅圖，5日不停上都只是台幣300，即係港幣約70多元，真係抵到爛，仲要個服務員會幫你set好哂所有setting，你乜都唔洗煩就可以有得用！

張紙上面寫住得機場有，所以各位朋友就記得出機場之前要申請。

機場入面有三間電訊商架, 但唔知點解大哥大訊係最多人，咁我地上次都好似用大哥大，所以今次我地都揀左佢。

台北宜蘭之全紀錄 

宜蘭台北遊記5.2 －Delay delay and delay

宜蘭台北遊記5.1 －戰利品,蜂大,書局街

宜蘭台北遊記4.3 －金峰魯肉飯，師大夜巿，寧廈夜巿

宜蘭台北遊記4.2－華山1914文化創意產業園區

宜蘭台北遊記4.1　胡同燒肉

宜蘭台北遊記3.2 紅樓 + 24小時誠品

宜蘭台北遊記3.1 橫風橫雨走佬去台北－Hotel Via丰居酒店

2013台北宜蘭自由行 2.4 晚飯時間

2013台北宜蘭自甲行 2.3 羅東林業文化園區

2013台灣宜蘭遊記 2.2 國立傳藝藝術中心

2013台北宜蘭之旅 2.1 早餐

宜蘭台北遊記1.2

宜蘭台北遊記1.1--到埗喇！

2013台北．宜蘭玩完雜感

在台灣也要上網

20130917

今日混混沌沌，發病．．．．

唔鐘意病，都係要食多啲生果同做多啲運動先得！

點解陳皮梅係香港手信？

之前去台灣旅行，打算買手信（伴手禮）比台灣既朋友，但我自己諗極都諗唔到香港究竟有乜手信呢？

咁我就上網搵啦，點知比我搵到竟然係優之良品既陳皮梅！！？？ 乜台灣人好鐘意食陳皮梅既咩？我好似呢廿年都冇食過，另外，優之良品都冇香港人去架啦，同埋以我理解做得當地手信既，都應該係用當地盛產既東西黎做架，乜香港盛產陳皮／梅咩？我一啲都唔知！

不過我見既然搵到個咁既答案，就走去優之良品睇下啦！嘩！真係咪講笑，一包陳皮梅索價$150，真係嚇到我即刻走出門口！（咁我睇個包冇圖呢包咁細既，大約大一倍到啦！）

我都唔知原來陳皮梅身價係咁高既！？同埋優之良品既陳皮梅係咪真係咁好食呀？有冇人可以請我食粒呢！？

講完陳皮梅，就講埋台灣人來香港啦！最近我有個新嗜好，就係睇下台灣人到香港既遊記同埋旅遊書，咁綜合來睇，佢地鐘意香港飲茶、粥、煲仔飯、菠蘿油、奶茶同魚蛋啦！

我又留意到佢地飲茶淨係鐘意叫燒賣，好少叫蝦餃架喎，唔通台灣人唔鐘意食蝦？

咁菠蘿油我自己都好鐘意食，不過我多數都係去麵包店買，而遊客呢就會到茶餐廳食！好多都會話香港茶餐廳飲野好貴，咁梗係啦，因為香港人習慣叫套餐架嘛，我真係好耐冇試過入間茶餐廳淨係叫杯飲品喇！

老點 20130915

琴晚，電視播神經俠侶，有陳奕迅同吳鎮宇，真係好正！睇睇下仲有江美儀添，原來佢咁耐之前就出左道喇！個劇本其實寫得好好，一路睇都唔覺得悶，套戲講阿Eason做左警察好耐，做到無哂熱誠，之後拍住熱血新丁容祖兒同發生左件事，Eason就變返熱血警察。

睇下睇下仲睇埋好耐冇播既爆漫，好熱血既卡通片，Good！





今朝都比較晏起身，起身後就去食『老點』，仍然保持水準。

• 春卷－好脆好味
• 蝦腸－大大隻蝦好味道，好滑
• 蝦餅竹筒飯－麻麻地，蝦餅好味，但飯有啲硬

其他就普普通通，如果有更加多既選擇就好喇！

我地食食下就落大雨同我地上次黎一樣係落大雨．．．上次篇blog。

夜晚，試整光波KFC雞翼，其實都幾易整，不過我落得太多粉，光完都有啲粉炸唔起！味道就呢都有5成似KFC雞翼啦，下次鹽焗雞粉唔洗落咁多，有少少咸。今日仲食左隻新拉麵，都係759買架，$14，夠2個人食，不過呢隻黃色麻麻地好味，麵條比較幼，個湯底比較清，都係紅白黑好味啲！

呢張係我跟足食譜光8分鐘既相，你睇下仲有幾多粉．．．

最後懶靚完成圖

689話有23萬人等緊公屋, 要搵地起公屋比呢23萬人......咦..乜而家有人住緊既公屋係世襲, 冇人會退返啲公屋出黎既咩? 要起全新公屋比呢23萬人!

仲有呢, 佢話設人口上限, 對缺少樓宇冇幫助!!?? 係咪真係架, 乜唔係supply , demand 咩, 個demand 跌, 對個需求冇幫助??

20130914 一個人去好婚禮

一個人去婚禮，悶又唔算太悶，都係成晚玩神魔，係有啲唔自在啫，因為周圍既都係一群人！

不過部IP 5既電真係唔夠，我charge爆咁去到，結果回程時無電到熄埋機！！

同枱聽到個女仔，去左2個working visa，仲去埋歐洲，即將就會去西藏，呢啲真係叫燃燒青春，好羨慕佢可以去過咁多國家，仲玩過2個working visa，我自己當年冇去到，而家過哂年紀先黎想去。。。

我既青春好平平淡淡咁過喇，雖然有人話你只要心境青春就仲係青春，但係呢始終年齡都係一個指標嘛，不過呢，黎緊我應該仲有30年或以上既人生，我要盡情玩落去！

我啲同輩話睇到新聞就想打爆個電視，其實我都係，香港真係越變越怪，之前聽到話有間中學只准學生講普通話；跟住睇到越黎越多商戶用簡體，唔用繁體；仲有阿689政府想拆郊野公園黎起樓，講真就算比你搵到地又點呀！如果你拎黎起豪宅，咁對普遍巿民都冇用啦，仲有香港真係冇可能長期人口上升既啫，點解政府唔諗下控制人口！？

20130913 黑色星期五

琴晚又去幫手湊女........今日FREE 啲，因為阿侄女發脾氣，走左去瞓覺，咁反而我有時間䏲雜誌！

返到屋企睇左陣tutorial，睇到頭到大哂．．．

臨瞓前去玩左陣神魔之塔．．．．超白痴，連續禁錯2次製，冇左2粒魔法石．．．orZ

頭先Lunch食八方雲集，要麵線同珍珠奶茶．．．同台灣真係差得好遠，個麵線超唔惦，杯珍珠奶茶，成杯都係奶，一啲茶味都冇！囧

食完又去759入貨，真係好抵，正價七折，麥片都係十蚊一盒（雖然係波蘭做, 唔知好冇味），不過呢度太魔鬼，樣樣都想買黎食，咁樣落去我會變肥到郁唔到！

頭先睇網誌睇到台灣既上引水產，好吸引呀！！今次旅程冇去，真係蝕左，下次一定要去！

新加坡遊記 Day 3.1 烏節路+金沙 (2011)

今日天氣超好! 

落樓見到有人佈置緊地下大堂， 應該係結婚，原來新加坡人結婚儀式會係屋企個地下搞個PARTY。

我們首先搭地鐵到烏節路的 Ion 行街

去到醫一醫個五臟廟先， 係FOOD COURT隔離見到有間華麗裝修的餐廳， 入到去發覺是土司工坊的副線。試食左個喇沙米苔目, 味道普普通通，跟送的是薏米水， 麻麻地。

新加坡賣的東西同香港是差不多價錢， 所以我都只是Windows shopping。

烏節路地標

好有陽光氣息既三個外國少女

新加坡都有幾多賣藝術品既地方，仲要係開係啲商場入面，打開哂門比你入去入面。雖然我冇錢買，但睇下都好開心。入到去仲要比我地影相（走個時見到門口有no photo個標誌），入面見到有部M&M機係有陳冠希個樣，乜原來edison係新加坡都好既咩！？）

 　　　　　　　　商場外有個車展，雖然冇錢買，不過我地都入左去玩左陣！

 黎到新加坡冇理由唔試下亞坤！

 味道不錯，個咖央多好好味，個蛋呢普普通通啦！

跟住就去金沙賭場， MRT離賭場很遠很遠， 要行15-20分鐘， 我們去到時已經是傍晚。沿途的夜景都十分之靚， 真的和香港的維港旁不相伯仲。

整張加左Effect 既

我們去到金沙商場， 見到遲些會開TODAI (以前在美麗華商場地庫勁好味的自助餐), 又有一個藉口下次再來新加坡。商場入面又有Art Gallery, 可能係等人係賭場win錢後去買！

新加坡政府唔鼓勵當地居民到賭場， 所以入場時要Check passport， 如果當地居民要到新加坡要給S100入場費， 超貴! 當日我運氣麻麻， 入到場在老虎機前面坐10分鐘， 就輸掉S10, 好彩我們沒什麼時間， 很快就要去下一個目的地 – 食海鮮。