琴日先講完晨間日記，估唔到第二日就已經斷左喇！
不知不覺，而家已經係晏晝喇！
Any肥，都寫下琴日做過乜啦！
終於差不多執哂去旅行啲相，不過呢望到相中既自己既時候，真係嬲嬲地， 點解個頭會咁架！！點解上前個師傅剪到我個頭咁衰架！
如果唔係太夜，我諗我會即刻衝落街剪頭髮．．．今次真係失策，點解次次去旅行之前，個頭都會剪衰左架，上次去新加坡又係咁，希望黎緊去新加坡唔會咁啦！
－－－－－－－－－－－－－－－－－－－
TVB又播返拳皇，唔知係咪因為套激戰呢！諗落諗落套劇個setting同激戰都幾似架，
好似
- 都係講兩師徒感情
- 兩師徒都係從拳擊入面搵返自己既目標
- 鄭嘉穎又係因為打拳搞到眾判親離
- 兩師徒既年紀都不少
我諗呢幾點都係普遍講拳擊既setting，當然個故事發展落去就好大分別，而激戰就好睇好多啦！
－－－－－－－－－－－－－－－－－－－－
今日就係911喇，時光真係飛逝，我仲好記得當時睇到電視畫面都唔信係真．．．件事真係好恐怖！願各死難者RIP....
－－－－－－－－－－－－－－－－－－－－
琴日plan 做既都冇做到，真係呢．．．今日個plan就係做番琴日個plan
－－－－－－－－－－－－－－－－－－－－
又破財，唔知點解隻16G手指爆左，又唔知del乜好，結果就見咁平，又買多一隻喇！
本來唔係買呢隻，去到同個sales講時，佢就比呢隻我，我見係日本牌子，白色又幾靚就買左
呢本係台灣買，超平又靚，個封面質地仲好好添，入面係我最鐘意既格仔紙！
我而家拎左黎寫低我平時既IDEA，希望idea 多到唔夠位寫啦！
沒有留言:
發佈留言