928 好日子

好頂住呀，真係老喇，消化唔到，下次唔敢食咁飽喇！

琴晚因為超夜訓，所以今日超晏起身，起身仲有啲頭痛！

今晚打邊爐，肉就係吉之島買，其他就係街巿啦！

牛肉買左兩款，個隻所謂既健康飼養既塔斯曼里亞牛肉。。。。超難食，仲要都貴貴地，真係side 錢！

另外買左啲美國肥牛，呢包就對辦好多，如果肥膏多啲應該好味啲！

又第一次買日本豚肉，呢個好味道！

仲有金菇啦（我買左韓國同日本，睇下有乜分別，我食落好似冇乜分別；不過小宅話有分別，日本好食啲！）

仲有牛拍葉同好多丸，不過買唔到響鈴呀！！　下次再打過！

一路打邊爐一路睇絕世好Ｂ。。。。套戲真係爛到連係電視睇都覺得哂時間。。。

夜晚搵左呢條電話繩出黎，係木製架，我好鐘意木製既小玩意！一路都唔知用黎做乜，今日掛左係個USB到呀～都幾靚吖！

富士出左部新既即影即有呀，超吸引，個外型超靚，不過個價錢係$1500！！！

呢個價錢買部即影即有好似好唔抵，呢個價錢可以買支鏡喇，

雖然呢部死野，影出黎既相真係好鬼靚，但係部機又貴，菲林又貴，條數好唔襟計喎！

如果可以跌到$1000，我就帶你返屋人止啦！