今日好開心睇左套好電影，我最初以為呢套《激戰》係啲老老土土，淨係會不斷睇到啲擂台戲既打片，點知原來有笑有淚有文戲有打戲，全無冷場！
一開場影住彭于晏係山區踩單車，我以為自己睇緊登山用品廣告，拍得好出色！跟住交待人物冇拖泥帶水同煽情，拍澳門呢個小城又拍得好靚（之前睇過幾套電影係澳門取景都拍得好有味道，澳門呢個地方真係好正），場與場之間既轉場又接得好靚，套戲全無冷場！
彭于晏同高捷個段劇情好感人，我覺得彭于晏係今次套戲做得好好，睇佢操練個段同佢啲肌肉真係不得了！而且我覺得高捷演既頹廢老豆角色，演得好細膩。張家輝個段唔洗講既好啦，張家輝一路都係好戲之人，最深印象係佢同個細路女離別個幕，做得好感人。佢係拳館發奮個幕佢講個段＂而家都冇野輸。。。＂，好震撼人心！！
套戲最尾大團圓結局，最初仲以為彭于晏會死，佢條頸落地個幕真係嚇死人，好彩最後醫得返！
好似話呢套戲遲啲會出續集，如果係都唔錯！
－－－－－－－－－－－
今日終於執好個書枱位，又砌完張電腦椅（其實次次要自己砌既椅，我自己都唔係好放心去坐），將有關illustrator既書放哂係附近，跟住就努力繼續研究After Effect!
（今日既然唔記得打輪迴。。。。＞＜）
沒有留言:
發佈留言