Playground of Alika: 2013台北．宜蘭玩完雜感

台灣電話上網好抵，五日Plan無限上網都係350台幣，係機場就有得申請喇！
台灣架機場巴士真係好過香港既N咁多倍，台灣個架巴士啲行李係放係下面，放多多都得；但香港呢，只係預左車頭個少少位，頂．．．去同回程都唔夠位放行李，回程時多行李到，啲喼塞住哂個門口，訓哂係地下．．核突到呢！
原來台北既護膚品好平，不過要等佢地做特價個時，今次買左超多護膚品返香港！
買護膚品我都係去屈臣氏同康提萊
唔記得帶浴鹽，諗住係台北買啦，點知．．．原來好難搵到．．．
見到有休足時間賣，但呢度好鬼貴呀，下次去日本要買多啲！
係台北食野真係好平，同埋食日本野好正，好似今次食左壽喜燒同燒肉都一流！
旅遊書介紹的大多數都不好食，還是看BLOG可靠啲！
再食金鋒同度小月，金鋒的魯肉飯真係好食過度小月N倍，唔會再去食度小月喇！
台灣好多炸野，下次都係帶定涼茶去先得！
洗面用品唔知點解特別平架，好似Neutrogena咁，一支都係大約hkd 30，真係平到震！
傘子好平，不過呢冇錢買喇，下次啦！
台灣書真係好平，標價已經平過香港，仲要有折頭添，有啲書平過香港一半價錢！
又貫切行得最少係住酒店個區，今次住西門町，之不過我地都冇認真放時間落去行過，好想返去再血拼過
台灣啲街闊好多，好行過香港！
係台灣過馬路好危險，綠燈都會有車經過，雖則架車係會睇到冇人係前面先會過，不過都係好驚恐呢．．．
今次旅行唔記得帶超多野，連蚊怕水都唔記得帶，比蚊咬到呢．．．．．
今次又下雨了，下次係咪應該冬天去，落雨機會少啲．．．
好彩有帶對拖鞋去，落雨時著拖鞋真係方便很多！
搭巴士去宜蘭好方便亦都好容易
宜蘭景點與景點之間很遠，同埋真係好少的士，最好都係問民宿拎定的士司機電話call的士！
宜蘭個夜巿好大，有衫又有野食，仲有間24小時屈臣氏
Last but not least...就係張入台證要放好，因為出境要睇，我就差啲唔見左，嚇到傻左！
強烈推介《胡同》燒肉店，同《金鋒》魯肉飯！！